“ევერტონის” თავდამსხმელი რომელუ ლუკაკუ კლუბის ოფიციალურ ვებგვერდზე ჩატარებული გამოკითხვის შედეგად, გულშემატკივრებმა თებერვლის თვის საუკეთესო მოთამაშედ დაასახელეს.

განვლილ თვეში ბელგიელ ფორვარდს ინგლისის ჩემპიონატში გოლი არ გაუტანია, მაგრამ ევროპის ლიგის 1/16-ფინალში შვეიცარიულ “იანგ ბოიზთან” თავი კარგად გამოავლინა. მან სტუმრად ჩატარებულ მატჩში ჰეთ თრიქი შეასრულა, ხოლო შინ – დუბლი.

ლუკაკუს ჯილდო სასტუმრო “ჰილტონში” ლანჩის დროს გადასცეს. მიმდინარე სეზონში მან “ევერტონის” მაისურით ყველა ტურნირში 39 მატჩი ჩაატარა და 17 გოლი გაიტანა.