ფეხბურთი

14:19 | 14.03.2015 | ნანახია [] - ჯერ

დე როსი ჩრდილოეთის გზას ადგას

“რომას” 31 წლის ნახევარმცველი დანიელე დე როსი მშობლიურ გუნდში ბოლო სეზონს ატარებს. ამის შესახებ ავტორიტეტული იტალიური გამოცემა “გაძეტა დელო სპორტი” იუწყება. “ლა გაძეტას” ჟურნალისტების ნარკვევით, იტალიის ნაკრების შუახაზელი, რომელსაც “ჯალოროსისთან” კონტრაქტი 2017 წლამდე აკავშირებს, კარიერას ამერიკის შეერთებულ შტატებში განაგრძობს, საიდანაც მისი პერსონით დაინტერესებულნი “ტორონტო” და “ორლანდო სიტი” არიან.

თავად დე როსი, რომელსაც მთელი კარიერა “რომაში” აქვს გატარებული და გუნდის საკვანძო ფეხბურთელად ითვლებოდა, წლეულს ძალზე ცუდ სეზონს ატარებს. 2006 წლის მსოფლიოს ჩემპიონმა მიმდინარე სეზონში 8 შეხვედრაში მიიღო სხვადასხვა სახის დაზიანებები, 5 მატჩში სათადარიგო სკამზე მოუწია ყოფნა, ხოლო 7 თამაშში კი იგი რუდი გარსიამ შეცვალა.

დანიელე დე როსის დებიუტი დედაქალაქურ გუნდში შორეულ 2001 წელს შედგა და მას მერე “მგლების” ძირითადი შემადგენლობის წევრად ითვლება.

0.111245