ანდალუსიური “მალაგა” ინგლისური “მანჩესტერ სიტის” ახალგაზრდა ფორვარდით ხოსე ანხელ პოცოთი დაინტერესდა – იუწყება ცნობილი ესპანური გამოცემა Marca.
აღნიშნული წყაროს ცნობით, ესპანური კლუბის ხელმძღვანელობას ზაფხულის სატრანსფერო პერიოდში პოცოს ერთწლიანი იჯარით აყვანა სურს. მიმდინარე სეზონში თინეიჯერი ფეხბურთელი რამდენჯერმე გამოჩნდა “ქალაქელთა” პირველი გუნდის რიგებში, თუმცა ამ ეტაპზე ძირითად შემადგელონაში მოხვედრის არანაირი შანსი არ აქვს და ანდალუსიური ვარიანტი მისთვის სასურველი უნდა იყოს, რადგან მეტი სათამაშო პრაქტიკა ექნება, რაც ნიჭიერი თავდამსხმელისთვის უმნიშვნელოვანესია.
მიმდინარე სეზონში პოცომ “სიტის” ძირითად გუნდში 4 შეხვედრა ჩაატარა და 1 გოლი გაიტანა, ხოლო ახალგაზრდულ გუნდში 16 მატჩში 4 გოლითა და 6 საგოლე გადაცემით გამოირჩა.
