ინგლისური “ევერტონი” ფრანგული “სენტ ეტიენის” ცენტრალური მცველის ლოიკ პერინის დამატებას ეცდება – იუწყება ფრანგული გამოცემა Le10sport.Com–ი.

მიმდინარე სეზონში მერსესაიდელთა დაცვის ხაზი ძალიან არადამაჯერებლად გამოიყურება, რაც შედეგშიც აისახა. ლივერპულურმა კლუბმა პრემიერლიგის 28 შეხვედრაში 41 გოლი გაუშვა. შესაბამისად, კლუბის ხელმძღვანელობა დაცვის გაძლიერებაზე აქედანვე დაფიქრდა.

29 წლის მცველს ფრანგულ კლუბთან მოქმედი ხელშეკრულება 2018 წელს ეწურება და 14 იანვრის მონაცემებით, 7.5 მილიონი ევრო ღირს.

მიმდინარე სეზონში პერინიმ 32 შეხვედრა ჩაატარა.