ოსაკაში მიმდინარე გაზაფხულის ბაშოს მე-3 დღეს გაგამარუს შიკონათი ცნობილმა თეიმურაზ ჯუღელმა პირველი გამარჯვება იზეიმა, ლევან გორგაძე იგივე ტოჩინოშინი კი პირველად დამარცხდა.

დასავლეთის მე-4 მაეგაშირას წოდების მქონე ტოჩინოშინი აღმოსავლეთის მე-6 მაეგაშირა ამინიშიკისთან უვატენაგეთი დამარცხდა, ხოლო გაგამარუმ, რომელიც დოჰიოზე დასავლეთის მე-15 მაეგაშირას წოდებით გადის, დასავლეთის მე-13 მაეგაშირა სოკოკურაის ოშიდაშით აჯობა.

ჰარუ ბაშოს მე-4 დღეს ტოჩინოშინი აღმოსავლეთის მე-3 მაეგაშირა ტაკაიასუს გაეჯიბრება, რომელსაც ურთიერთშეხვედრებში 4:3 ამარცხებს. რაც შეეხება გაგამარუს, იგი ძურიოს პირველ ნომერ ჩიოტაირიუას პირველად დაუპირისპირდება.

ოსაკას ტურნირის 3 დღის თავზე დაუმარცხებელ სეკიტორთა შორის იოკოძუნა ჰაკუჰო და ოძეკები – გოეიდო და კოტოშოგოკუც იმყოფებიან, იოკოძუნა ჰარუმაფუჯიმ კი პირველი მარცხი დასავლეთის პირველ მაეგაშირა იჩინოჯოსთან განიცადა.

მარტის ბაშოს მე-3 დღის მიმოხილვა

გაგამარუს ორთაბრძოლა 0:53-დან, ტოჩინოშინის – 4:45-დან