ინგლისის ფეხბურთის ასოციაციამ აღმასრულებელ დირექტორად “ლესტერის” ყოფილი მმართველი მარტინ გლენი დანიშნა. 54 წლის ინგლისელი მოვალეობის შესრულებას 18 მაისიდან დაიწყებს.
ინგლისური ფეხბურთის თავკაცი გრეგ დიკი მიესალმა გლენის დანიშვნას და აღნიშნა, რომ მისი მუშაობა ასოციაციას დადებით შედეგს მოუტანს.
გლენი ფეხბურთის ასოციაციის რიგით მე-11 აღმასრულებელი დირექტორია. მან აღნიშნულ თანამდებობაზე ალექს ჰორნი შეცვალა.
