თურქეთის სუპერლიგის 23-ე ტურის მატჩში შოთა არველაძის მიერ გაწვრთნილმა სტამბულის "ქასიმფაშამ" შინ ბრაზილიელი რობერტო კარლოსის "ბელედიესფორი" მიიღო და შეხვედრა ფრედ 2:2 დასრულდა.

მასპინძლები მე-6 და 52-ე წუთებზე ბიუქისა და სკარიონეს მიერ გატანილი გოლების წყალობით 2:0 იგებდნენ. ქართველი ლეგიონერი 19 წლის ლაშა დვალი 65-ე წუთზე საჯარიმოში ჩაწოდებული ბურთის მოგერიებას თავით ცდილობდა, თუმცა საკუთარ კარში ჩაჭრა. კარლოსის შეგირდებმა 75-ზე ბეზენგას გატანილი გოლის წყალობით ანგარიში გაათანაბრეს.

თურქეთის 18-გუნდიან ჩემპიონატში "ქასიმფაშას" 29 ქულით მე-8 ადგილი უკავია.