ესპანეთის ფეხბურთის ფედერაციის ოფიციალურმა ვებგვერდმა ლა ლიგის თებერვლის საუკეთესო მწვრთნელი დაასახელა. აღნიშნული წოდება არავის დაუთმო “ვალენსიას” დამრიგებელმა ნუნუ ესპირიტო სანტომ, რომელიც მიმდინარე სეზონში მესამედ გახდა თვის საუკეთესო სპეციალისტი.

“ვალენსიამ” გასულ თვეში ოთხი შეხვედრა ჩაატარა და სამში გამარჯვებული გამოვიდა. “ღამურებმა” “ესპანიოლის”, “კორდობასა” და “ხეტაფეს” დამარცხება მოახერხეს, ხოლო “მალაგასთან” უქულოდ დარჩნენ.

25 ტურის შემდეგ “ლოს ჩე” ლა ლიგაში 53 ქულით მეოთხე პოზიციას იკავებს. ნუნუს შეგირდები ერთი ქულით ჩამორჩებიან “ატლეტიკოს”, ხოლო “სევილიას” შვიდი ქულით უსწრებენ.