“მანჩესტერ იუნაიტედის” მთავარმა მწვრთნელმა ლუის ვან გაალმა “სანდერლენდთან” გასამართი მატჩის წინ პრესკონფერენციაზე რობინ ვან პერსის კოჭის ტრავმა დაადასტურა.
“გუნდში მხოლოდ ერთი ტრავმირებული ფეხბურთელი მყავს და ეს ვან პერსია, რობინს მაიკლ კერიკით ჩავანაცვლებ. თავდამსხმელს კოჭზე პრობლემა აქვს. რთული დაზიანება არაა, თუმცა კოჭის ამ ტიპის ტრავმა სარეაბილიტაციო პერიოდს ორ კვირაზე მეტს მოითხოვს. მოვიცადოთ და ვნახოთ როგორ განვითარდება მოვლენები.” – განაცხადა ვან გაალმა.
ვან პერსიმ მარჯვენა ფეხის კოჭის დაზიანება 21 თებერვალს “სუონსისთან” წაგებულ (1:2) პრემიერლიგის 26 ტურის შეხვედრაში მიიღო და მოედანი შეხვეული ფეხით დატოვა.
