გერმანული გამოცემა “ბილდის” ინფორმაციით, ბუნდესლიგის ბინადარ დორტმუნდის “ბორუსიას” თავკაც იურგენ კლოპს საკუთარი გუნდის რიგებში, მეორე “ბორუსიას”, მიონხენგლადბახის თავდამსხმელის მაქს კრუსეს ხილვა სურს. იმავე გამოცემის ცნობით, “დორტმუნდის” გარდა, ფეხბურთელით დაინტერესებას გელზენკირხენის “შალკეც” იჩენს.
კრუსე “გლადბახის” ღირსებას 2013 წლიდან მოყოლებული იცავს. მიმდინარე სეზონში მან ბუნდესლიგაში ჩატარებულ 20 შეხვედრაში 7 გოლის გატანა შეძლო.
