“ფიორენტინას” მთავარი მწვრთნელი ვიჩენცო მონტელა ხუან კუადრადოს “ჩელსიში” ტრანსფერით კმაყოფილია. როგორც იტალიელმა სპეციალისტმა განაცხადა, კუადრადოს გასხვისებით გუნდმა ბევრი ფული მიიღო და კოლუმბიელის დონის ფეხბურთელი მოჰამედ სალაჰიც დაიმატა.

“ვინ მოიგო კუადრადოს გადასვლით?- რა თქმა უნდა, “ფიორენტინამ”. ფლორენციულმა კლუბმა კოლუმბიელის ტრანსფერში ბევრი ფული მიიღო და კუადრადოს დონის მოჰამედ სალაჰი დაიმატა”- მონტელას სიტყვებს Gოალ.ცომ ციტირებს.

ზამთრის საფრანსფერო ფანჯრის დროს “ჩელსიმ” კუადრადო 26.8 მილიონ გირვანქა სტერლინგად შეიძინა. ხოლო “ფიორენტინა” “ჩელსიდან” 22 წლის შემტევი მოჰამედ სალაჰი იჯარის წესით დაიმატა. სალაჰმა ფლორენციელთა შემადგენლობაში 5 მატჩი ჩაატარა და 4 გოლის გატანა მოახერხა. ხუთშაბათს ევროპის ლიგის მატჩში “ფიორენტინამ” შინ “ტოტენჰემი” 2:0 დაამარცხა. მეორე გოლი სწორედ სალაჰის ანგარიშზეა.