“ბარსელონას” მთავარმა მწვრთნელმა ლუის ენრიკემ სტუმრად “მანჩესტერ სიტისთან” ჩემპიონთა ლიგის პირველი 1/8-ფინალური მატჩის მოგების (2:1) შემდეგ ინგლისში მოპოვებული გამარჯვების მნიშვნელობაზე ისაუბრა.

“ბარსელონამ” დიდებული მატჩი ჩაატარა. მიზანი გამარჯვება იყო, ჩვენ მოვიგეთ და სხვა დეტალები არ არის მნიშვნელოვანი. მაგრამ არ უნდა დაგვავიწყდეს “სიტის” მაღალი კლასი და არ უნდა მოვდუნდეთ. დღეს კმაყოფილი ვარ თითოეული მოთამაშით და ვულოცავ მათ ამ გამარჯვებას. რაც შეეხება მესის ვერგატანილ პენალტს, მსგავის რამ შეძლება ნებისმიერს დაემართოს, არ აქვს მნიშვნელობა რა ანგარიშით მოვიგებდით, მთავარია გასვლით მატჩში ვიმარჯვეთ”, - ენრიკეს სიტყვებს უეფას ოფიციალური ვებგვერდი ციტირებს.

ჩემპიონთა ლიგის 1/8 ფინალურ მატჩში “სიტი” ინგლისში “ბარსელონასთან” 1:2 დამარცხდა. ლუის სუარესმა დუბლი შეასრულა, ხოლო მანჩესტერული კლუბიდან ერთი ბურთი აგუერომ გაქვითა. მატჩის 94-ე წუთზე ლეო მესის პენალტი ჯო ჰარტმა აუღო.

ამ გუნდებს შორის განმეორებითი შეხვედრა ბარსელონაში 18 მარტს გაიმართება.