ბრიტანული მედიის ინფორმაციით, ნემანია ვიდიჩს მილანის “ინტერის” მთავარ მწვრთნელ რობერტო მანჩინისთან კონფლიქტი აქვს და გუნდს ზაფხულის სატრანსფერო პერიოდში დატოვებს.
“მანჩესტერ იუნაიტედში” გატარებული წარმატებული წლების შემდეგ სერბი დასუსტებულ “ინტერს” გასული წლის ზაფხულში შეუერთდა. “ნერაძურის” თავკაცად იტალიელი სპეციალისტი 2014 წლის ნოემბრის დასაწყისში დაინიშნა, თუმცა გუნდს მაინც ვერ შველის.
ვიდიჩმა იტალიის ჩემპიონატის მიმდინარე სეზონში მხოლოდ 14 შეხვედრაში მიიღო მონაწილეობა. დანარჩენ 10 შეხვედრაში ან ტრავმის გამო ვერ იღებდა მონაწილეობას, ან მანჩინი ამწესებდა სათადარიგოთა სკამზე. აქედან გამომდინარე, ბალკანელს თამაში სურს და მომდევნო სატრანსფერო პერიოდში ახალი გუნდის ძიებას შეუდგება.
