ტაშკენტის “ფახთაქორმა”, რომლის კაპიტანი კახა მახარაძეა, აზიის ჩემპიონთა ლიგის ჯგუფური ეტაპის პირველ ტურში შინ ირანის თეირანის “ნაფთი” 2:1 დაამარცხა და განვლილ მატჩში ანგარიში ქართველმა ფეხბურთელმა გახსნა.

მახარაძემ სრულად ითამაშა და ანგარიში 48-ე წუთზე გახსნა. 51-ე წუთზე მასპინძლებს ფეხბურთელი გაუძევეს და 8 წუთში ირანელებმა “ფახთაქორის” კარი აიღეს.

ტაშკენტელებმა მატჩი 85-ე წუთზე სერგეევის მიერ გატანილი გოლით მოიგეს.

“ფახთაქორთან” ერთად ჯგუფში ირანული კლუბის გარდა, არაბეთის გაერთიანებული საემიროების წარმომადგენელი “ალ აინი” და საუდის არაბეთის “ალ შაბაბი” არიან.