ჩემპიონთა ლიგა ყურდღების ცენტრშია. გამორჩეულად კი ტურინის “იუვენტუსისა” და “დორტმუნდის” დაპირისპირება. კომპანია “პუმამ” გულშემატკივრებს სახალისო ვიდეო შესთავაზა, რომელშიც მონაწილეობას “იუვესა” და “ბორუსიას” ლიდერები, ჯანლუიჯი ბუფონი და მარკო როისი იღებენ.

ფეხბურთელები ერთამანეთს კორესპონდენტ-რესპონდენტის რეჟიმში ესაუბრებიან.

როისმა ბუფონს სთხოვა დაესახელებინა ყველა დროის საუკეთესო მეკარე, რაზეც ბუფონმა შემდეგნაირად უპასუხა: - “უნდა იკითხო ვინ არის მეორე, რადგან პირველი ნომერი ყველამ იცის ვინცაა”.

მარკო როისს ურჩევნია ანგარიშით 4:3 მოიგოს, ბუფონის პასუხი ასეთია: - “რა თქმა უნდა 1:0. მირჩევნია ჩემპიონატის 38 თამაში 1:0 მოვიგო”.

“საით გირჩევნია დარტყმა. მარჯვენა თუ მარცხენა მხარეს” – კითხულობს როისი. – “37 წლის ასაკშიც უმაღლეს დონეზე ვარ. მნიშვნელობა არ აქვს”, - პასუხობს ბუფონი.

“პუმას” მიერ ასეთი სტილის ვიდეოს გაკეთება პირველი არ გახლავთ და გერმანული ფირმის წარმომადგენლებს იგივე ხერხისთვის ადრეც მიუმართავთ.