შეუჩერებელია ჰოლანდიელი ფორვარდი ბას დოსტი, რომელმაც ბოლო ერთ კვირაში 8 გოლი გაიტანა. "ვოლფსბურგის" 25 წლის თავდამსხმელმა ბუნდესლიგაში "ლევერკუზენთან" პოკერი შეასრულა, შუა კვირაში დუბლი შეასრულა ევროპის ლიგაზე ლისაბონის "სპორტინგთან", ამჯერად კი "ჰერტასთანაც" ორი გოლი მიითვალა და თავისიანებს მოაგებინა – 2:1.

11 მატჩი, 11 გოლი – ასეთია დოსტის შედეგიანობა მიმდინარე ბუნდესლიგაში. "ვოლფსბურგმა" "ჰერტასთან" მოგებით თითქმის გაინაღდა მეორე ადგილი, რადგანაც 10-ქულით გაუსწრო მესამეზე მყოფ "გლადბახს". დედაქალაქელებს რაც შეეხებათ, ისინიც მეორე ადგილზე არიან, ოღონდ ბოლოდან...

"გლადბახი" ვახსენეთ და ლუსიენ ფავრის გუნდი ბოლოს გადაურჩა მარცხს. ჰამბურგში აგებდნენ და 22 წლის ბოსნიელმა ბრანიმირ ჰრგოტამ გაათანაბრა მაქს კრუზეს პასის შემდეგ.

მანამდე "ჰამბურგი" ზოლტან შტიბერის გოლით დაწინაურდა. ფავრმა სწორედ ამის შემდეგ ჩართო თამაშში ჰრგოტაც და თორგან აზარიც, რომლებმაც აშკარად გაამწვავეს "გლადბახსის" შეტევები.

ერთიც: ცნობილი ჰოლანდიელი რაფაელ ვან დერ ვაარტი იმდენად ცუდ ფორმაშია, რომ "ჰამბურგის" სათადარიგოთა სკამზე გადაიყვანეს. მართლაც, წინა მატჩებში ვან დერ ვაარტი კი არ დარბოდა, დადიოდა.

ჰამბურგი-გლადბახი 1:1 (0:0)

ჰამბურგი: დრობნი, დიკმაიერი, ჯურუ, ოსტრჟოლეკი, რაიკოვიჩი, ჟირაჩეკი, კაჩარი (ვესტერმანი 85), ნიკო მიულერი, შტიბერი, გუაიდა (გიოტცი 77), ოლიჩი (რუდნევსი 25)

მწვრთნელი: იენს ცინბაუერი

გლადბახი: ზომერი, იანჩკე, კორბი, შტრანცლი, ვენდტი, ჰანი (თორგან აზარი 76), ჰერმანი, კრამერი (ჰრგოტა 79), ნორდვაიტი, ტრაორე (რაფაელი 62), მაქს კრუზე

მწვრთნელი: ლუსიენ ფავრი

გოლები: 1:0 შტიბერი (73), 1:1 ჰრგოტა (90+2)

გაფრთხილება: ტრაორე (9), ჯურუ (39), კაჩარი (49), მაქს კრუზე (90), იანჩკე (90+2), ჟირაჩეკი (90+2)

მსაჯი: ცვაიერი

ბურთის ფლობა: 45-55, დარტყმა: 13 (3) – 12 (2), კუთხური: 4-5, თამაშგარე: 1-2, სეივი: 1-2, ჯარიმა: 13-11

ვოლფსბურგი – ჰერტა 2:1 (1;1)

ვოლფსბურგი: ბენალიო, იუნგი (არნოლდი 46), კნოხე, ნალდო, როდრიგესი, ტრაში, ლუის გუსტავო, დე ბრუინი, ვიერინია (კალიჯური 77), შიურლე, დოსტი (ბენდტნერი 90+1)

მწვრთნელი: დიტერ ჰეკინგი

ჰერტა: კრაფტი, პეკარიკი, ლუსტენბერგერი, ბრუქსი, ნჯენგი (ბერენსი 73), ჰეგელერი,. შულცი, შკიელბრედი, შტოკერი (რონი 77), კალუ, შიბერი

მწვრთნელი: პალ დარდაი

გოლები: 1:0 დოსტი (10), 1:1 შიბერი (30), 2:1 დოსტი (74)

გაფრთხილება: როდრიგესი (37)

მსაჯი: ვინკმანი

ბურთის ფლობა: 65-35, დარტყმა: 17 (5) – 3 (2), კუთხური: 6-3, თამაშგარე: 2-4, სეივი: 1-3, ჯარიმა: 10-14