ქართველმა ჩოგბურთელმა სოფო ქვაცაბაიამ თურქეთის ქალაქ ანტალიაში მიმდინარე საერთაშორისო ტურნირზე (საპრიზო ფონდი 10 ათასი დოლარი) მორიგი გამარჯვება იზეიმა და ნახევარფინალში გააღწია.

მე-3 ნომრად განთესილმა ქვაცაბაიამ მე-5 რეიტინგის მქონე თურქი მელის სეზერი 6:1, 5:7, 6:3 დაამარცხა და ფინალის საგზურს უკრაინელ ალიონა სოტნიკოვას (მე-2) შეეცილება.

სამწუხაროდ, ბრძოლას გამოეთიშა ეკატერინე გორგოძე, რომელსაც პირველი განთესვა გააჩნდა. ეკატერინემ მე-8 ნომრით მოასპარეზე ვიკტორია კანთან 6:1, 3:6, 1:6 წააგო.

ცნობისთვის, გასულ ანტალიურ ტურნირზე გორგოძემ წყვილთა შეჯიბრი სწორედ რუს ჩოგბურთელთან ერთად მოიგო.