თურქეთში შეკრებაზე მყოფმა მინსკის “დინამომ” ამხანაგური მატჩი მოსკოვის “სპარტაკის” წინააღმდეგ გამართა და მინიმალური ანგარიშით დამარცხდა.
დუშან უჰრინის გუნდის სასტარტო შემადგენლობაში იმყოფებოდა 28 წლის ქართველი მცველი გიორგი ფოფხაძე, რომელმაც მატჩი სრულად ჩაატარა, 39-ე წუთზე კი ყვითელი ბარათი მიიღო.
“სპარტაკის” შემადგენლობაში არ უთამაშია ჯანო ანანიძეს. ქართველ ფეხბურთელს მარჯვენა ბარძაყის ორთავა კუნთი მცირედით გაუწყდა, მოედანს კი 10-12 დღეში დაუბრუნდება. მოსკოველთა გუნდის მხრიდან ერთადერთი გოლი 19 წლის ფორვარდმა დენის დავიდოვმა გაიტანა.
