მადრიდის “რეალთან” საშინაო მარცხის შემდეგ “შალკეს” მთავარმა მწვრთნელმა რობერტო დი მატეომ პრესკონფერენცია გამართა, სადაც მარცხის მიუხედავად, მატჩის დადებით მხარეზეც გაამახვილა ყურადღება. მისი აზრით, მსოფლიოს ერთ-ერთ საუკეთესო კლუბთან თამაშმა თავისი გუნდის მინუსები კარგად დაანახა.

“ჩემი გუნდის ფეხბურთელები მოედანზე გამარჯვების მოსაპოვებლად გავიდნენ. გვჯეროდა, რომ მოვახერხებდით საკუთარ მოედანზე გამარჯვებას, თუმცა დავმარცხდით და საპასუხო მატჩის წინ ფავორიტი მადრიდის “რეალია”, - აღნიშნა იტალიელმა მწვრთნელმა.

“ვითამაშეთ მსოფლიოს ერთ-ერთი საუკეთესო გუნდის წინააღმდეგ. მივიღეთ მნიშვნელოვანი საერთაშორისო გამოცდილება და გამოჩნდა ჩვენი ნაკლოვანებები და სუსტი მხარეები”, - დაასრულა დი მატეომ.

მადრიდის “რეალსა” და “შალკეს” შორის საპასუხი მატჩი მადრიდის “სანტიაგო ბერნაბეუზე” 10 მარტს გაიმართება.