ინგლისის პრემიერლიგის ბინადარ ბირმინგემის “ასტონ ვილას” ახალი მთავარი მწვრთნელი ჰყავს. “ვილა პარკელებს” ამიერიდან ტიმ შერვუდი გაწვრთნის, რომელმაც ცოტა ხნის წინ თანამდებობიდან დათხოვილი პოლ ლამბერტი ჩაანაცვლა. შერვუდი “ასტონ ვილას” 2018 წლის ივნისამდე გაწვრთნის.
მიმდინარე სეზონში ბირმინგემული გუნდი წარუმატებლად ასპარეზობს და 25 ტურის შემდეგ, პრემიერლიგაში 22 ქულით მე-18 ადგილზე იმყოფება.
