მილანის “ინტერის” მთავარი მწვრთნელი რობერტო მანჩინი კოტდივუარის ეროვნული ნაკრების და “მანჩესტერ სიტის” ნახევარმცველის იაია ტურეს გადაბირებით დაინტერესდა. იტალიელი სპეციალისტმა ფეხბურთელი შეაქო და აღნიშნა, რომ მისი ტრანსფერის განხორციელება ადვილი არ იქნება.
“ტურესთან ერთად “მანჩესტერ სიტიში” ვმუშაობდი და მას მსოფლიოს ერთ-ერთ საუკეთესო ფეხბურთელად ვთვლი. მისი შეძენა ადვილი ნამდვილად არ იქნება, რადგან “სიტის” საკუთრებაა. მთავარი საკითხი ისაა სურს თუ არა იაიას იტალიაში ან სხვა რომელიმე ქვეყანაში თამაში. მისი ტრანსფერი არა მარტო “ინტერისთვის”, არამედ იტალიის ჩემპიონატისთვის ხმამაღალი განაცხადი იქნება. “ნერაძურის” უპირატესობა აქვს და ვნახოთ რა მოხდება.” – განაცხადა მანჩინიმ.
ტურეს ამჟამინდელი სატრანსფერო ღირებულება 28 მილიონ ევროს შეადგენს და “ქალაქელები” სავარაუდოდ “ინტერს” ნახევარმცველის სანაცვლოდ გაცილებით მეტს მოსთხოვენ. მიმდინარე სეზონში იაიამ 26 მატჩში 9 გოლი გაიტანა. ტურემ 2015 წლის აფრიკის ეროვნებათა თასიც მოიპოვა.
