საფრანგეთის ჩემპიონატის 25-ე ტურის გახსნითი მატჩი “მარსელსა” და “რეიმს” შორის უხვგოლიანი გამოდგა. ბიელსას გუნდმა ლიდერობის რეალური შანსი დაკარგა, “მარსელი” მოგების შემთხვევაში პირველ ადგილზე გასვლას მოახერხებდა, თუმცა “რეიმსმა” “ველოდრომიდან” ქულა წამოიღო.
შეხედრის დასაწყისში ანგარიში დე პრევილემ გახსნა. პირველი ტაიმი ამ ანგარიშით დასრულდა, მეორე ტაიმის დასაწყისში კი პაიეს გოლით “მარსელმა” გაათანაბრა.
69-ე წუთზე პაიემ წინ გაიყვანა მასპინძლები, ამ მომენტისთვის “რეიმსი” რთულ მდგომარეობაში აღმოჩნდა, მაგრამ მატჩის მიწურულს “მარსელს” ორი ქულა ნ’გოგის გოლმა დააკარგვინა.
სატურნირო ცხრილში “მარსელი” მეორე ადგილს იკავებს, “რეიმსი” კი მე-13 საფეხურზე იმყოფება და გასავარდნ ზონას რვა ქულით უსწრებს.
მარსელი – რეიმსი 2:2 (0:1)
მარსელი, “ველოდრომი”
მარსელი: მანდანდა, მორელი, ფანი, ჯა ჯეჯე, მენდი, რომაო (ოკამპოსი 46 ), იმბულა, ტოვინი (ტულომა 77), პაიე (ალოე 83 ), ჟინიაკი, აეუ
მთავარი მწვრთნელი: ბიელსა
რეიმსი: აგასა, სინორინო, ტაკალფრედი, მანდი, კონტე, ონიანგუ, დევუ, დიეგო (ნ’გოგი 79), ფორტესი, შარბონერი (ვებერი 90+2 ), დე პრევილე ( მუკანჯო 57)
მთავარი მწვრთნელი: ვასური
გოლები: 0:1 დე პრევილე (6), 1:1 პაიე (58), 2:1 აეუ (69), 2:2 ნ’გოგი (90)
მთავარი მსაჯი: ფილიპ კალტი
გაფრთხილება: ტოვინი (31), დევუ (43), მანდი (68)
