კვიროსის “ნეა სალამინას” ნახევარმცველი შოთა გრიგალაშვილი 13 თებერვალს ოპერაციას გაიკეთებს. ამის შესახებ ინტერნეტპორტალი kerkida.net-ი იუწყება.
გრიგალაშვილი “ნეა სალამინაში” მიმდინარე ზამთარში “ომონიადან” გადავიდა და პირველივე მატჩში გოლი გაიტანა. თუმცა, მომზიდავი კუნთის ტრავმა მიიღო და ბოლო დრომდე მკურნალობდა, მაგრამ ამან შედეგი ვერ გამოიღო.
საბოლოოდ, ქირურგიული ჩარევა საჭირო გახდა და ჯერჯერობით უცნობია, 28 წლის ნახევარმცველი მოედანს როდის დაუბრუნდება.
