“ას”-ის ცნობით, “ვესტ ჰემი” მექსიკელი ფორვარდის ხავიერ ერნანდესის დამატებით დაინტერესდა. ამ დროისთვის ჩიჩარიტო იჯარის წესით მადრიდის “რეალში” თამაშობს. “მანჩესტერის” საკუთრებაში მყოფი ფეხბურთელი სეზონის ბოლოს ვან გაალის გუნდში უნდა დაბრუნდეს, თუმცა უცნობია დარჩება თუ არა “მანჩესტერში.”

მექსიკელს “მანჩესტერთან” კონტრაქტი 18 თვის შემდეგ უმთავრდება. ინგლისურ გრანდში დაბრუნების შემთხვევაში ჩიჩარიტოს კონკურენტები მრავლად ეყოლება: რუნი, ფალკაო, ვან პერსი და 19 წლის ჯეიმს უილსონი.

სავარაუდოდ, ელერდაისის გუნდი ფეხბურთელის გადაბირებას ზაფხულის სატრანსფერო ფანჯრის დროს ეცდება.

“ვესტ ჰემის” მსგავსად ერნანდესის დამატებით დაინტერესებულია “ლაციოც”.

ჩიჩარიტომ მიმდინარე სეზონში ლა ლიგაში 10 მატჩი ჩაატარა და 3 გოლი გაიტანა.