ლონდონის “ჩელსისა” და ბრაზილიის ნაკრების მარცხენა მცველს ფელიპე ლუისს მადრიდის “ატლეტიკოში” სურს დაბრუნება. აღნიშნულ ინფორმაციას ესპანური და ბრიტანული გამოცემები ავრცელებენ.

გავრცელებული ინფორმაციის თანახმად, ფელიპემ ჟოაო მირანდასთან საუბარში აღნიშნა, რომ “სტემფორდ ბრიჯზე” ბედნიერი არაა და “როხიბლანკოში” დაბრუნება სურს.

შეგახსენებთ, რომ ლუისი “ჩელსიში” გასულ ზაფხულს “ატლეტიკოდან” გადავიდა 17.6 მილიონ ფუნტად, თუმცა ძირითად შემადგენლობაში ადგილის დამკვიდრება ვერ მოახერხა, რის გამოც ლონდონიდან აბარგება სურს. მიმდინარე პრემიერლიგაში ფელიპემ 10 შეხვედრა ჩაატარა.