როგორც “დინამო თბილისის” ოფიციალური ვებგვერდი იუწყება, საკადრო ცვლილებების შედეგად, კლუბის აღმასრულებელი დირექტორის პოსტი ნიკოლოზ ჯღარკავამ დაიკავა, ხოლო ლევან ზუხბაია ტექნიკური დირექტორის თანამდებობაზე გადაინაცვლებს.
ნიკოლოზ ჯღარკავა ყოფილი ფეხბურთელია, თამაშობდა საქართველოს 17-წლამდე ნაკრებში, ასევე იყო 19-წლამდე ნაკრების წევრი.
2006 წლიდან “დინამო არენას” სტადიონის თანამშრომელია, ხოლო 2011 წლიდან “დინამო არენას” დირექტორი.
მუშაობის პარალელურად ჯღარკავა საფეხბურთო მენეჯმენტის კურსებს გადის, რომელიც საქართველოს ფეხბურთის ფედერაციაში უეფას ორგანიზებით მიმდინარეობს.
