როგორც “საბურთალოს” ოფიციალური ვებგვერდი იუწყება, კლუბსა და რესტორნების ქსელ “მაკდონალდს” შორის მემორანდუმი გაფორმდება. ხელშეკრულებას ხელი უახლოეს დღეებში მოეწერება. კონტრაქტი 1-ელი მარტიდან შევა ძალაში.
შეთანხმების მიხედვით “მაკდონალდსი” “საბურთალოს” სხვადასხვა ასაკობრივ გუნდებს თვეში ორჯერ უმასპინძლებს და კომპანიის კერძებით უფასოდ მოემსახურება. “საბურთალოს” მოთამაშეების სტუმრობა “მაკდონალდსში” ეტაპობრივად მოხდება. ფეხბურთელებს გასართობი ცენტრით სარგებლობის უფლებაც მიეცემათ.
