როგორც “სკაი სპორტი” გვამცნობს, ინტერნეტ-გამოკითხვის მიხედვით, ინგლისის პრემიერლიგის საუკეთესო ფეხბურთელად პორტუგალიელი ფეხბურთელი კრიშტიანუ რონალდუ დასახელდა. კრიშტიანუ რონალდუმ აჯობა ტიერი ანრის, რაიან გიგზს, ერიკ კანტონასა და ალან შირერს. ინტერნეტ-გამოკითხვის შედეგად საუკეთესო საუკეთესო ხუთეული გამოვლინდა: 1. კრიშტიანუ რონალდუ (24 პროცენტი) 2. ტიერი ანრი (19) 3. რაიან გიგზი (13) 4. ერიკ კანტონა (12), ალან შირერი (12).

პორტუგალიელი ფეხბურთელი ინგლისის პრემიერლიგაში 6 სეზონის განმავლობაში, 2003-2009 წლებში თამაშობდა. “მანჩესტერთან” ერთად ინგლისის პრემიერლიგის, ჩემპიონთა ლიგისა და ინგლისის ასოციაციის თასის გამარჯვებული გახდა, 2008 წელს კი მსოფლიოს საუკეთესო ფეხბურთელად დაასახელეს. კრიშტიანუმ სერ ალექს ფერგიუსონის გუნდში 292 მატჩი ჩაატარა და 118 გოლი გაიტანა.

ზემოთხსენებულ ფეხბურთელთა გარდა, გულშემატკივართა ნაწილმა ხმა ჯანფრანკო ძოლას, დენის ბერგკამპს, სტივენ ჯერარდს, როი კინსა და პატრიკ ვიეირას მისცა, რომლებიც ხუთეულს მიღმა აღმოჩნდნენ.