როგორც სოციალურ ქსელში “ცხინვალის” ოფიციალური გვერდი იუწყება თურქულ შეკრებაზე მყოფმა კახი კაჭარავას გუნდმა პირველი ამხანაგური მატჩი პოლონური “ლეჩნას” წინააღმდეგ გამართა და მინიმალური ანგარიშით დამარცხდა.
პირველ ტაიმში ქართველ მოთამაშეებს შეეძლოთ ანგარიშის გახსნა, თუმცა ლაშა შინდაგორიძემ თერთმეტმეტრიანის რეალიზება ვერ მოახერხა. მეორე ტაიმის 55-ე წუთზე პენალტის დარტყმის უფლება ამჯერად მეტოქე გუნდს მიეცა, რომელიც ტომაშ ნოვაკმა გოლად აქცია.
29 იანვრიდან მოყოლებული “ცხინვალი” დაბა ბელეკში ემზადება, კაჭარავას მოთამაშეებს ორჯერადი ვარჯიშები აქვთ. 3 თებერვალს მათი მეტოქე ცნობილი ჩინური კლუბი “გუინჯოუ რენჰესი” იქნება, რომლის შემადგენლობაში “ვოფსბურგისა” და “გალათასარაის” ყოფილი ნახევარმცველი ზვეზდან მისიმოვიჩი ირიცხება.
ცხინვალი – ლეჩნა 0:1 (0:0)
1 თებერვალი, თურქეთი, ბელეკი – საკონტროლო მატჩი
ცხინვალი (პირველ ტაიმში): ნადირაძე, ცერცვაძე, კაჭკაჭიშვილი, მაისაშვილი, ჯიშკარიანი, ბურძენაძე, იმედაშვილი, ცაცკრიალაშვილი, შინდაგორიძე, ლექვთაძე, კაჭარავა
ცხინვალი (მეორე ტაიმში): ნანიევი, ქარდავა, რუხაძე, მარკოზაშვილი, ახვლედიანი, ბაჩიაშვილი, მახარობლიძე, მ.ჯიშკარიანი, გიორგაძე, არაბული
მთავარი მწვრთნელი: კახი კაჭარავა
მთავარი მსაჯი: ლუიჯი პონტე (შვეიცარია)
29 იანვრიდან მოყოლებული “ცხინვალი” დაბა ბელეკში ემზადება, კაჭარავას მოთამაშეებს ორჯერადი ვარჯიშები აქვთ. 3 თებერვალს მათი მეტოქე ცნობილი ჩინური კლუბი “გუინჯოუ რენჰესი” იქნება, რომლის შემადგენლობაში “ვოფსბურგისა” და “გალათასარაის” ყოფილი ნახევარმცველი ზვეზდან მისიმოვიჩი ირიცხება.
