გერმანული მედიის ინფორმაციით, ჩილეს ეროვნული ნაკრებისა და აწ უკვე “ბაზელის” ყოფილი ნახევარმცველი მარსელო დიასი კარიერას “ჰამბურგში” განაგრძობს. ფეხბურთელი დღეს სამედიცინო შემოწმებას გაივლის და ახალ კლუბთან კონტრაქტსაც გააფორმებს.
“ჰამბურგმა” შვეიცარიელებს სამხრეთამერიკელის სანაცვლოდ 2 მილიონი ევრო გადაუხადა, ხოლო თუ რამდენი წელიწადი ითამაშებს დიასი გერმანულ გუნდში ჯერჯერობით უცნობია.
მიმდინარე სეზონში მარსელომ ყველა ტურნირზე 18 შეხვედრა ჩაატარა და თავი მხოლოდ ერთი გატანილი გოლით გამოიჩინა.
