გიორგი ქვილითაიას “გიორ ეტომ” ამხანაგური მატჩი “სლოვაცკოს” წინააღმდეგ გამართა. უნგრულმა გუნდმა მინიმალური ანგარიშით, პრისკინის მიერ მე-19 წუთზე გატანილი გოლით დაამარცხა მეტოქე. ქართველი ფორვარდი სათადარიგოთა შორის იმყოფებოდა და მატჩის 58-ე წუთზე გოლის ავტორის ნაცვლად გამოჩნდა მინდორზე.

https://www.youtube.com/watch?v=XmVv7P9o1Zw

ლვოვის “კარპატმა” ფრედ 0:0 ითამაშა “ადმირა ვაკერთან.” უკრაინულმა კლუბის სასტარტო შემადგენლობაში ითამაშა ბუბა დაუშვილმა. ქართველი საყრდენი ნახევარმცველი შესვენების შემდეგ მინდორზე აღარ გამოჩენილა.

https://www.youtube.com/watch?v=mM3PieFHl4E

მოსკოვის “სპარტაკმა” ამხანაგური მატჩი გამართა ბულგარული “ლუდოგორეცის” წინააღმდეგ. შეხვედრა რუსული კლუბის დამარცხებით დასრულდა (2:3). ჯანო ანანიძე 68-ე წუთზე გამოჩნდა მინდორზე, ქართველმა მოთამაშემ ჰოლანდიის ნაკრების ფეხბურთელი ქვინსი პრომესი შეცვალა.

https://www.youtube.com/watch?v=42BusoSQxiQ

20 წლის ქართველმა ფეხბურთელმა გიორგი სარჯველაძემ პოლონური “ტიხის” სასტარტო შემადგენლობაში ითამაშა. “ტიხი” მეგობრულ მატჩში პოლონურ “პოლონია ლაზისკას” დაუპირისპირდა და კოვალჩუკის გოლით მინიმალური სხვაობით დაამარცხა მეტოქე. “სასკოს” ყოფილმა მოთამაშემ შეხვედრა სრულად ჩაატარა.

დიუსელდორფის “ფორტუნამ” ამხანაგური მატჩი “მეპენის” წინააღმდეგ გამართა. მატჩი ფრედ 0:0 დასრულდა. ქართველ ფეხბურთელ ჯიმი ტაბიძეს შეხვედრაში მონაწილეობა არ მიუღია.