“ფულჰემის” აწ უკვე ყოფილი ფეხბურთელი ბრაიან რუისი კარიერას ვალენსიურ “ლევანტეში” განაგრძობს. აღნიშნული ტრანსფერი ესპანური კლუბის ოფიციალურმა ვებგვერდმა დაადასტურა.

კოსტა-რიკის ნაკრების თავდამსხმელმა “ბაყაყებთან” სეზონის ბოლომდე გააფორმა კონტრაქტი, ხოლო ზაფხულში მის გახანგრძლივებაზე ისაუბრებენ მხარეები.

მიმდინარე სეზონში რუისმა 17 შეხვედრა ჩაატარა ჩემპიონშიფში, 4 გოლი გაიტანა და 3 საგოლე გადაცემა ჩაიწერა აქტივში.