ესპანური გამოცემა AS-ის ცნობით, მადრიდის “რეალის” კოლუმბიელმა შემტევმა ხამეს როდრიგესმა ხუთშაბათს გუნდის ვარჯიში გაციების გამო გამოტოვა. როგორც მადრიდელთა მედიკოსები ვარაუდობენ, ხამესი შაბათამდე გამოჯანმრთელებას ვერ მოასწრებს, რაც იმას ნიშნავს, რომ რონალდუსთან ერთად ვერც კოლუმბიელი შეძლებს თავისი გუნდის დახმარებას “სოსიედადთან” მატჩში.

ხამეს როდრიგესმა პრიმერადივიზიონის მიმდინარე გათამაშებაში ჩატარებულ 18 შეხვედრაში 6 გოლის გატანა მოახერხა.

მადრიდის “რეალისა “ და “სოსიედადის” დაპირისპირება შაბათს, “სანტიაგო ბერნაბეუზე”, თბილისის დროით 19:00 აიღებს სტარტს.