როგორც “დეილი მეილი” იუწყება “ბოლტონის” 26 წლის ნახევარმცველის ლი ჩუნ იონგის შეძენით “სტოკ სიტი” და “ფიორენტინა” დაინტერესდნენ. ამ ეტაპზე დაინტერესებულ მხარეებს კომენტარი არ გაუკეთებიათ.

სამხრეთ კორეელმა ფეხბურთელმა პროფესიული საფეხბურთო კარიერა 2004 წელს “სეულში” დაიწყო, 2009 წელს კი კარიერა “ბოლტონში” გააგრძელა. მისი გუნდი 2012 წელს ინგლისის პრემიერლიგიდან გავარდა და მას შემდეგ ინგლისის ჩემპიონშიფში თამაშობს.

აზიელმა მიმდინარე სეზონში 23 მატჩი ჩაატარა და 3 გოლი შეაგდო. “ბოლტონი” მე-16 ადგილზე იმყოფება და პრემიერლიგაში გადასვლის მიზერული შანსი აქვს.