“სუონსის” მთავარ მწვრთნელ გარი მონკს “საუთჰემპტონის” 25 წლის ნახევარმცველის ჯეკ კორკის შეძენა სურს. “საუთჰემპტონის” მთავარი მწვრთნელის რონალდ კუმანის განცხადებით გადაწყვეტილება თავად ფეხბურთელმა უნდა მიიიღოს და აირჩიოს დარჩება კლუბში თუ “სუონსში” გააგრძელებს კარიერას.

ინგლისელი ფეხბურთელი “საუთჰემპტონის” მაისურით ინგლისის პრემიერლიგაში მესამე სეზონს ატარებს, მიმდინარე სეზონში 12 მატჩში მიიღო მონაწილეობა და 2 გოლი გაიტანა.

მიმდინარე სატრანსფერო ფანჯრის დროს უელსურმა კლუბმა “ტოტენჰემიდან” კაილ ნოტონი, “ექსეტერიდან” მატ გრიმსი და ლისაბონის “ბენფიკადან” ნელსონ ოლივეირა დაიმატა. იმ შემთხვევაში თუ “საუთჰემპტონთან” შეთანხმება შედგა, “სუონსისთვის” ჯეკ კორკი მეოთხე ახალი ფეხბურთელი იქნება.

საინტერესოა, რომ ჯეკ კორკის მამა ალან კორკი 1997-1998 წლებში “სუონსის” მთავარი მწვრთნელის პოსტზე მუშაობდა.