ტუნისის ქალაქ ელ კანტაუიში მიმდინარე 10-ათასიანი ტურნირის ერთეულთა გათამაშება ქართველ ჩოგბურთელთა გარეშე გაგრძელდება. თამარ ჭალაგანიძემ ასპარეზობა საკვალიფიკაციო ბადეშივე დაასრულა, მარიამ ბოლქვაძე კი ძირითად ბადეში დამარცხდა.

ბოლქვაძე პირველ რაუნდში მე-8 ნომრად განთესილ ბელგიელ მარი ბენუას დაუპირისპირდა და 4:6, 4:6 წააგო.

წყვილებში ჭალაგანიძე და ესპანელი სანჩეს-კუინტანარი პირველი რეიტინგის მქონე ბულგარელ შინიკოვას და სლოვაკ სკამლოვას ვერ გაუმკლავდნენ.

რაც შეეხებათ ბოლქვაძეს და უნგრელ შლავიკოვიჩს, ისინი მეოთხედფინალში მე-2 რეიტინგის მქონე ხორვატულ-ესპანურ დუეტს (ნირიჩი-პარეს ასკოიტია) გაეჯიბრებიან.