ბელარუსის საფეხბურთო უმაღლესი ლიგის კლუბ ნოვოპოლოცკის “ნაფტანში” ვასიკო გოგოლაძე და შოთა ფილიევი ისინჯებიან. ამის შესახებ ინტერნეტპორტალი football.by იუწყება.

20 წლის თავდამსხმელმა გოგოლაძემ მიმდინარე სეზონის პირველი ნახევარი “დინამო 2”-ში გაატარა, რომლის შემადგენლობაში საქართველოს ეროვნული ჩემპიონატის პირველ ლიგაში 17 მატჩი ჩაატარა და 2 გოლი გაიტანა.

24 წლის შოთა ფილიევი ამპლუით თავდამსხმელია და საქართველოს პირველ ლიგაში მარნეულის “ალგეთში” თამაშობდა, ხოლო მიმდინარე სეზონის პირველი ნახევარი რუსეთის მეორე ლიგის იალტის “ჟემჩუჟინაში” გაატარა, სადაც 4-ჯერ ითამაშა.