ქართველმა ჩოგბურთელმა სოფო ქვაცაბაიამ, რომელმაც გასულ კვირაში ანტალიის 10-ათასიანი ტურნირი მოიგო, ზედიზედ მე-2 ტიტულისთვის ბრძოლა დაიწყო.

მე-6 ნომრად განთესილი ქვაცაბაია ანტალიური შეჯიბრის პირველ რაუნდში კვალიფიკაციის ერთ-ერთ გამარჯვებულ – ჩინელ იია შაოს გაეჯიბრა და 6:4, 6:3 იმარჯვა. მერვედფინალში სოფო რუს ნიკა კუხარჩუკს გაეჯიბრება.

შეგახსენებთ, რომ კიდევ ერთ ქართველ ჩოგბურთელ ეკატერინე გორგოძე ანტალიაში პირველი განთესვა გააჩნია და პირველ მატჩში ასევე ჩინელ იინ ჟანგს გაეჯიბრება.

წყვილთა ტურნირში ასევე პირველ ნომრად მიჩნეული გორგოძე და ქვაცაბაია “უაილდ ქარდის” მქონე გერმანელებს – ერკენსს და ლანდენერს გაეჯიბრებიან.