ჰაცუ ბაშოს მე-13 დღეს ქართველმა სუმოისტმა ტოჩინოშინმა მე-5 გამარჯვება იზეიმა. დასავლეთის პირველი მაეგაშირას წოდების მქონე ქართველმა სეკიტორმა აღმოსავლეთის მე-6 მაეგაშირა ოკინოუმი იორიკირით დაჯაბნა.

შეგახსენებთ, რომ ლევან გორგაძეს უკვე 8 მარცხი აქვს და უარყოფით ბალანსს (მაკე-კოში) ვეღარ გადაურჩება, ამდენად, იმისთვის უნდა იბრძოლოს, რომ წოდებაში ვარდნა რაც შეიძლება მცირე იყოს.

ტოჩინოშინის მომდევნო მოწინააღმდეგე აღმოსავლეთის პირველი მაეგაშირა ტაკარაფუჯი იქნება.

წარმატებული დღე ჰქონდა რანგით მე-2 დივიზიონ ძურიოში მოასპარეზე თეიმურაზ ჯუღელს იგივე გაგამარუს. მან აღმოსავლეთის მე-10 ნომერი ჩიიოო ცუკიდაშით დაამარცხა და 3 წაგების ფონზე მე-10 გამარჯვება იზეიმა.

ქართველი გოლიათი, რომელიც დასავლეთის მე-2 ნომრის წოდებით ირჯება, ძურიოში მხოლოდ აღმოსავლეთის მე-3 ნომერ კიტატაიკის (12-2) ჩამორჩება. ჰაცუ ბაშოს ბოლოსწინა დღეს გაგამარუ აღმოსავლეთის მე-9 ნომერ სეიროს გაეჯიბრება.

ისიც ვთქვათ, რომ “იმპერატორის თასი” ვადაზე ადრე გაინაღდა მონღოლმა იოკოძუნა ჰაკუჰომ, რომელმაც მიჯრით მე-13 გამარჯვება ოძეკი კისენოსატოსთან იზიემა და ამ უკანასკნელს და ასევე დამარცხებულ იოკოძუნა ჰარუმაფუჯის, ბაშოს დასრულებამდე 2 დღით ადრე, სამ-სამი მოგებით გაუსწრო.

ჰაცუ ბაშოს მე-13 დღის მიმოხილვა. ტოჩინოშინის ორთაბრძოლა 6:09-დან