როგორც გაზეთი “მარკა” იუწყება, “კრუზეიროს” ნახევარმცველი ლუკას სილვა მადრიდის “რეალში” ითამაშებს. კლუბებს შორის შეთანხმება მიღწეულია, 21 წლის ფეხბურთელის სატრანსფერო თანხა კი 15 მილიონ გირვანქას შეადგენს.
ლუკას სილვას “რეალში” გადასვლის შესახებ აქამდეც ვრცელდებოდა ინფორმაცია, “მარკას” ცნობით კი რამდენიმეთვიანი მოლაპარაკება წარმატებით დასრულდა.
ლუკას სილვა 1993 წელს დაიბადა, 2012 წლიდან კი “კრუზეიროში” თამაშობს. გასულ წელს მისი დებიუტი ბრაზილიის ახალგაზრდულ ნაკრებში შედგა.
