ბოლნისის “სიონში” სინჯებზე ბრაზილიელი მოთამაშე ენდრიუ არაუჟუ და სილვა გამოჩნდა. სამხრეთამერიკელმა მოთამაშემ ლადო ბურდულის გუნდში გუშინ “ცხინვალთან” ამხანაგურ შეხვედრაში ითამაშა.
“ენდრიუ არაუჟუ და სილვა ამპლუით შემტევი ნახევარმცველია. გუშინ გამართულ შეხვედრაში მისი თამაშით კმაყოფილი დარჩნენ გუნდის მწვრთნელები. იგი ითამაშებს დამდეგ ტესტ-მატჩებში. სამხრეთამერიკელის დარჩენის საკითხი კი სავარაუდოდ უცხოურ შეკრებაზე გახდება ცნობილი”, - განაცხადა “მსოფლიო სპორტთან” საუბარში ბოლნისის “სიონის” პიარ-მენეჯერმა მაგდა კლდიაშვილმა.
შეგახსენებთ რამდენიმე დღის წინ ოფიციალურად გახდა ცნობილი, რომ “სიონში” ითამაშებს პორტუგალიელი ვიეირა მედინა ლუის ალბერტო. არაუჟუს დამატების შემთხვევაში კი “სიონს” 2 უცხოელი ფეხბურთელი ეყოლება.
