17 წლის პოლონელი ფეხბურთელი კრისტიან ბიელიკი ოფიციალურად ლონდონის “არსენალის” ფეხბურთელია. პოლონელის ვენგერის გუნდში გადასვლასთან დაკავშირებით ვრცელდებოდა ინფორმაცია, თუმცა “არსენალის” ოფიციალური ვებგვერდი აქამდე არ ადასტურებდა ტრანსფერს.
“ბიბისის” ცნობით ფეხბურთელში ლონდონურმა კლუბმა 2,4 მილიონი გირვანქა გაიღო.
“მადლობელი ვარ ყოფილი მწვრთნელის ჰენინგ ბერგისა და თანაგუნდელების. სწორედ “ლეგიაში” მომეცა ძირითად გუნდში თამაშის საშუალება, თუმცა მივიღე უფრო მაღალ დონეზე თამაშის გადაწყვეტილება. იმედი მაქვს ლონდონურ კლუბში გადასვლით დიდ ნაბიჯს გადავდგამ”, - აღნიშნა ფეხბურთელმა.
გასულ შემოდგომაზე მოთამაშე პოლონეთის 17-წლამდე ნაკრებთან ერთად თბილისში იმყოფებოდა. შესარჩევ ჯგუფში პოლონელმა მოთამაშეებმა ქულათა მაქსიმუმი მოაგროვეს.
