ამ კვირაში დაგეგემილი იტალიის თასის მერვედფინალური ეტაპის დარჩენილი ოთხი შეხვედრიდან ერთი უკვე გაიმართა. “რომამ” “ემპოლი” მიიღო.

მატჩი ძალზე დაძაბული გამოდგა და გამარჯვებული ვინაობის გასარკვევად გუნდებს ძირითადი 90 წუთი არ ეყოთ. ანგარიში მე-5 წუთზე ხუან იტურბემ გახსნა. არგენტინელმა ბურთი საჯარიმოში მიიღო, ორ მეტოქეს ადვილად გასცდა და გატანა არ გასჭირვებია. სტუმრებმა წონასწორობა მატჩის დასრულებამდე 10 წუთით ადრე აღადგინეს. შეცვლაზე შესული სიმონე ვერდი მეკარესთან პირისპირ დარჩა და მახვილი კუთხიდან გაათანაბრა. შეხვედრა დამატებით დროში გადავიდა, იქ კი გამარჯვების გოლი 114-ე წუთზე დანიელე დე როსიმ გაიტანა. ვეტერანმა ნახევარმცველმა თერთმეტმეტრიანი გამოიყენა და თავისი გუნდი მეოთხედფინალში გაიყვანა, სადაც დედაქალაქური გუნდი ფლორენციის “ფიორენტინასა” და ბერგამოს “ატალანტას” შორის საუკეთესოს შეხვდება.

“რომა” – “ემპოლი” 2:1 დ.დ (1:0)

რომი, “სტადიო ოლიმპიკო”

“რომა” (4-3-3): სკორუპსკი; მაიკონი, იანგა-მბივა, ასტორი, კოული (ჰოლებასი 24); პიანიჩი (პარედესი 81), დე როსი, ნაინგოლანი; იტურბე, ტოტი (ლიაიჩი 67), დესტრო

მწვრთნელი: რუდი გარსია

“ემპოლი” (4-3-1-2): ბასი; ლაურინი (ჰისაი 53), ბარბა, ბიანკეტი, მარიო რუი; სინიორელი, ვესინო, ლაქსალტი; საპონარა (საპონარა 68); ტავანო, მაკარონე (ვერდი 68)

მწვრთნელი: მაურიციო სარი

გოლები: 1:0 იტურბე (5), 1:1 ვერდი (80), 2:1 დე როსი

გაფრთხილება: იანგა-მბივა (99) – ბიანკეტი (55), ვესინო (113), ზიელინსკი (113), ლაქსალტი (120)