რუსეთის საფეხბურთო პირველი დივიზიონის ერთ-ერთმა ლიდერმა ტიხვინის “ტოსნომ”, რომელიც შეკრებას კვიპროსში გადის, პირველ ამხანაგურ შეხვედრაში კუნძულელეთა მეორე დივიზიონის “ელპიდა ქსილოფაგუ” 4:0 დაამარცხა და ერთი გოლი ოთარ მარცვალაძემ გაიტანა.
ქართველმა თავდამსხმელმა მეორე ტაიმი ითამაშა და 68-ე წუთზე საბოლოო ანგარიში დააფიქსირა. მის მსგავსად მეკარე ნუკრი რევიშვილიც თამაშში მეორე ტაიმის მერე ჩაერთო. მარცხენა მცველმა გიორგი ნავალოვსკიმ პირველი ტაიმი ჩაატარა.
რუსეთის მოქალაქე მცველ გურამ თეთრაშვილს ტიხვინელთა შორის არ უასპარეზია.
