ეროვნული საკალათბურთო ასოციაციის გასული კვირის, შესაბამისად, აღმოსავლეთ და დასავლეთ კონფერენციების საუკეთესო მოთამაშეებად “ატლანტა ჰოუქსის” ცენტრი ალ ჰორფორდი და “მინესოტა ტიმბერვულვზის” გამთამაშებელი მო უილიამსი აღიარეს.

გასულ კვირას ატლანტელებმა 4-დან 3 მატჩი მოიგეს, ჰორფორდის საშუალო მონაგარი კი 21.7 ქულა, 8.0 მოხსნა და 6.3 პასი იყო. თავის მხრივ, უილიამსი საშუალოდ 3.3 ქულას და 6.3 პასს აგროვებდა, მისმა გუნდმა კი 3 შეხვედრიდან 2-ში იმარჯვა.

კვირის მოთამაშის ტიტულზე პრეტენზიას ბისმაკ ბიიომბო (“შარლოტი”), ლებრონ ჯეიმსი (“კლივლენდი”), ბრენდონ ჯენინგსი (“დეტროიტი”), სტეფან კარი (“გოლდენ სტეიტი”), მეტ ბარნსი, ბლეიკ გრიფინი (ორივე – “კლიპერსი”), ზაკ რენდოლფი (“მემფისი”) და კრის ბოში (“მაიამი”) აცხადებდნენ.