ხვიჩა ქასრაშვილმა საქართველოს საფეხბურთო ჩემპიონატის პირველი ლიგის “ა” ჯგუფში მოასპარეზე “ჭიათურას” მთავარი მწვრთნელის თანამდებობა დატოვა. ამის შესახებ “მსოფლიო სპორტს” მან თავად უთხრა.
ქასრაშვილი “ჭიათურაში” 2013 წლის აგვისტოდან მუშაობდა და პირველ სეზონში გუნდს ლიგაში ადგილი შეუნარჩუნა, ხოლო მიმდინარე სეზონის პირველი წრის მერე, ჭიათურელები 10-გუნდიან სატურნირო ცხრილში მეორე ადგილზე არიან.
ქასრაშვილის გუნდიდან წასვლის მიზეზი “ჭიათურას” სავალალო ფინანსური მდგომარეობაა.
