პორტუგალიის ეროვნული ნაკრების და მადრიდის “რეალის” მცველმა პეპემ “ატლეტიკოს” წინააღმდეგ სამეფო თასის გათამაშების მერვედფინალური ეტაპის განმეორებით მატჩში ნეკნი დაიზიანა და საავადმყოფოში გადაიყვანეს.

აღნიშნული დაზიანება პორტუგალიელმა ერთ-ერთ ეპიზოდში რაულ გარსიასთან ორთაბრძოლის შემდეგ მიიღო და 59-ე წუთზე მის ნაცვლად მოედანზე რაფაელ ვარანი გამოვიდა. ესპანური მედიის ინფორმაციით, პეპეს 2-დან 3 კვირის განმავლობაში უქმად ყოფნა მოუწევს.