რუსთავის “მეტალურგი” ოთხმა ფეხბურთელმა გიორგი ქავთარაძემ, კახა კაკაშვილმა, ოთარ კიტეიშვილმა და გიორგი ალავერდაშვილმა დატოვეს.

რუსთაველები, რომლებსაც ღრმა ფინანსური კრიზისი აქვთ, ვარლამ კილასონიას ხელმძღვანელობით ეროვნული ჩემპიონატის უმაღლესი ლიგის მეორე წრისთვის 4 იანვრიდან ემზადებიან.

ამჟამად, გუნდში 19 წლის ნახევარმცველი ალექსანდრე სარიშვილი და 22 წლის ასევე შუახაზელი თორნიკე სტეფნიაშვილი ისინჯებიან. პირველი მათგანი მიმდინარე სეზონის პირველ წრეში “დინამო 2”-ში გამოდიოდა, ხოლო მეორე “სასკოში”. ეს უკანასკნელი პირველ ლიგაში ასპარეზობს, ხოლო “დინამო 2”-მა ამავე ლიგაში გამოსვლა შეწყვიტა, რადგან გუნდი გაუქმდა.