ლეგენდარული ბრაზილიელი ფეხბურთელი რონალდო ფეხბურთს უბრუნდება. მან ამ თემაზე პრესკონფერენცია გამართა და ჟურნალისტებთან საუბარში დაადასტურა ფეხბურთში დაბრუნების გადაწყვეტილება. ვეტერანის თქმით ზაფხულში ფლორიდის კლუბ “ფორტ ლაუდერდეილში” თამაშს გეგმავს, თუმცა “კიჭამ” ხაზი გაუსვა ფეხბურთში დაბრუნების სირთულეს.

“ფეხბურთში დაბრუნება არ იქნება ადვილი, თუმცა ვეცდები ინტენსიურად ვივარჯიშო და ზაფხულამდე სასურველ ფორმაში შევიდე. მაქსიმალურად ვცდილობ წონის დარეგულირებას, რაც აუცილებელი ფაქტორია ფეხბურთში დასაბრუნებლად”, - აღნიშნა 38 წლის რონალდომ.

1996, 1997 და 2002 წლის მსოფლიოს საუკეთესო ფეხბურთელმა 2011 წლის თებერვალში დაასრულა კარიერა. მისი უკანასკნელი კლუბი “კორინთიანსი” იყო.