ქართველის სუმოისტები – ტოჩინოშინი და გაგამარუ ჰაცუ ბაშოზე კარდინალურად განსხვავებული შედეგით ასპარეზობენ. ელიტარულ მაკუუჩი დივიზიონში ლევან გორგაძეს 4-ვე ბრძოლა წაგებული აქვს, ძურიოში კი თეიმურაზ ჯუღელმა ყველა შერკინება მოიგო.

იოკოძუნებთან წარუმატებელი სერიის კვალად, დასავლეთის პირველი მაეგაშირას წოდების მქონე ტოჩინოშინი ოძეკი კისენოსატოს გაეჯიბრა და იორიკირით წააგო. მისი შემდეგი მოწინააღმდეგე ოძეკი გოეიდო იქნება, რომელსაც 1 მარცხი უკვე გააჩნია.

რაც შეეხება გაგამარუს, მან დასავლეთის პირველი ნომერი ვაკანოსატო ოშიდაშით დაჯაბნა, მომდევნო შერკინება კი აღმოსავლეთის მე-6 ნომერ ტამაასუკასთან ელის. ისიც ვთქვათ, რომ ჯუღელი ტოკიოს “რიოგოკუ კოკუგიკანში” მიმდინარე იანვრის სუპერტურნირზე დასავლეთის მე-2 ნომრის სტატუსით ირჯება.

4 დღის თავზე მაკუუჩიში დაუმარცხებელი 3 სეკიტორიღაა: იოკოძუნები ჰაკუჰო და ჰარუმაფუჯი და აღმოსავლეთის მე-6 მაეგაშირა ოკინოუმი.

ჰაცუ ბაშოს მე-4 დღის მიმოხილვა